«Բյուրակն» գիտակրթական հիմնադրամ
Հիմնադրամն իր հանրակրթական գործունեությունն իրականացնում է «Բյուրակն» կրթահամալիրի միջոցով:
- Յուրաքանչյուր երեխա անհատականություն է. դպրոցի պարտքն է պահպանել ու զարգացնել այդ անհատականությունը.
- Յուրաքանչյուր երեխա տաղանդավոր է. նա կարող և պետք է գերազանց սովորի։
- Լավ է սովորում նա, ով գիտի սովորել. Դուք է՞լ եք համոզված դրանում: Ուրեմն «Բյուրակնը» Ձեր փնտրած դպրոցն է:
Ուսուցման նոր եղանակ
Պատանիներին պարտադրել են միայն սովորել, իսկ սովորեցնել՝ երբեք: Մինչդեռ դրանք պետք է փոխկապված լինեն այնպես, ինչպես ոտքերը բարձրացնելն ու իջեցնելը վազքի ժամանակ:
«Բյուրակն» կրթահամալիրում
Կրթությունն իրականացվում է պետական ուսումնական ծրագրին համապատասխան:
- Ուսուցումը խիստ անհատականացված է. ամեն մի սովորող, յուրաքանչյուր առարկա յուրացնում է իր անհատական ծրագրով:
- Ուսումնական գործընթացի մեջ ակտիվորեն ներգրավված են առանց բացառության բոլոր աշակերտները:
- Ամեն մի աշակերտ ոչ միայն սովորող է, այլև սովորեցնող: Սովորեցնելով ուրիշներին՝ աշակերտն ինքն է սովորում: Ուսումնական խմբի յուրաքանչյուր անդամ իր խնդիրներն իրագործում է մյուսների հետ համագործակցելու միջոցով:
Ուսուցման գործընթացը
Յուրաքանչյուր սովորող ամեն մի թեմայի հատկացնում է այնքան ժամանակ, որքան իրեն անհրաժեշտ է այն լրիվ յուրացնելու համար:
- Սովորողը հնարավորություն ունի առաջանցիկ տեմպերով ուսումնասիրելու այս կամ այն առարկայական ծրագիրը և ավելի կարճ ժամկետում յուրացնել այն:
- Ավագ դպրոցում սովորողը հնարավորություն է ստանում իր ընտրած բուհ-ի ընդունելության քննություններին լիարժեք նախապատրաստվելու ուսումնական պրոցեսի ընթացքում:
- Իրականացվում են լրացուցիչ կրթական ծրագրեր՝ աշակերտների նախասիրություններին համապատասխան:
Լեզուների ուսուցում
Ուսուցումն իրականացվում է հայերեն լեզվով:
- Առանձնահատուկ ուշադրություն է դարձվում օտար լեզուների խորացված ուսուցմանը:
- Կիրառվում են զանազան տեխնիկական միջոցներ և հնարներ՝ սովորողների՝ օտար լեզուներով հաղորդակցվելու հմտությունները զարգացնելու նպատակով:
- Այլ լեզվական միջավայրից եկած աշակերտին հնարավորություն է տրվում շարունակել ուսումը իր իմացած լեզվով և զուգահեռաբար ձեռք բերել անհրաժեշտ գիտելիքներ հայերենից:
- Տեղեկատվական և հաղորդակցման տեխնոլոգիաներ։
- Կրթահամալիրն ունի անհրաժեշտ տեխնիկական հագեցվածություն և հարուստ գրադարան:
- Ուսուցման գործընթացում լայնորեն օգտագործվում են տեխնիկական միջոցները, տեղեկատվական և հաղորդակցական տեխնոլոգիաները՝ ուսուցման արդյունավետությունը և ուսման որակը բարձրացնելու նպատակով:
- Կրթահամալիրում սովորողները ձեռք են բերում համակարգչային գրագիտության բավարար մակարդակ:
Ներքին կյանքը
Կրթահամալիրում գործում է աշակերտների ինքնակառավարում. Սովորողներն իրենք մասնակից են ուսումնական գործընթացի կազմակերպմանը:
- Ներքին կյանքը կանոնագրվում է կանոնադրությամբ, որում ամրագրված են կրթահամալիրի կարգապահական կանոնները:
- Բարոյահոգեբանական մթնոլորտն առողջ է. ուսուցիչ-աշակերտ, աշակերտ-աշակերտ փոխհարաբերությունները համագործակցային բնույթ ունեն:
- Անվերապահորեն հարգվում է աշակերտի արժանապատվությունը. Աշակերտը զերծ է ֆիզիկական և հոգեբանական հարկադրանքից:
- Գեղագիտական դաստիարակություն, առողջ կենսակերպ:
- Պար, երգ, կերպարվեստ, շախմատ, մշակութային ծրագրեր, սպորտային խաղեր, թեմատիկ էքսկուրսիաներ, ամենօրյա բացօթյա զբոսանք:
- Կրթահամալիրը համալրված է բազմափորձ և հմուտ մանկավարժներով, ովքեր ունեն համագործակցային ուսումնական պարապմունքների անցկացման մեթոդական հմտություններ և հարուստ փորձ:
- Ներգրավված են ուսուցման համագործակցային եղանակի զարգացման ստեղծագործական աշխատանքների մեջ:
Համագործակցում ենք
- ՀՀ ԿԳՆ կրթության ազգային ինստիտուտ
- ՌԴ Սոցիալական և մանկավարժական ԳԱ
- «Մանկավարժական նախաձեռնություն» հայկական ասոցիացիա
- Կրասնոյարսկի մարզի կրթության գլխավոր վարչություն
- Կրասնոյարսկի մարզի "Коллективный способ обучения" մանկավարժական ասոցիացիա
- Ղազախստանի Պավլոդարի մարզի ուսուցիրների կատարելագործման ինստիտուտ
- Հայկական սահմանադրական իրավապաշտպան կենտրոն (ՀՍԻԿ)
- ՀՀ ԿԳՆ Գնահատման և թեստավորման կենտրոն
- Այովայի համալսարանի կրթության քոլեջ (ԱՄՆ)
